- 410 -

1404. Nov. 7. Budweis.

Wir Wilhalm von gotes gnaden herczog ze Osterrich, ze Steyer, ze Kernden vnd ze Krain,, graf ze Tyrol etc. bekennen mit dem brief, als die hochgebornen forsten vnsen lieben oheim her Ruprecht herczog ze Legnicz vnd her Wolk vnd her Niclas sein sun herczogen se Munsterberg von Slesien und die edeln Hanns Ryem vnd ander der egenen forsten, ritter, knecht und diener ze Wienn in unser vankchnizz genomen sind, haben wir durch lieb und frewntschafft willen des durleuchtigisten fursten vneers lieben herren vnd swegers hern Wenczeslawn Römischen kunigs, zu, allen czeiten merer des reichs vnd kunigs ze Behem vnd auch der obgenanten fursten, si der vorgenanten vanknizz vnd gelubd, die si vns darumb getan habent vnd schuldig sind, genczleich ledig vnd los gesagt an vnser vnd vnsers lieben bruders herczog Ernsts vnd vnser beider anwelt stat vnd sagen si auch der ledig mit krafft diczs briefs vngewerleich. Sunder die pundbrief, die si geben habent, sich wider zestellen, sullen tod sein vnd kain krafft mer haben. Also daz si vnd ir erben noch yemand von iren wegen zu vns, vnsern lieben brudern, vnsern vettern, allen vnsern erben vnd allen vnsern landen, leutten vnd vndertanen, furbazz von derselben vankchnisse vnd auch aller andern hendel wegen, die sich darumb vncz her vergangen habent, kain veintschafft, zuspruch, noch vordrung nymmermer haben sullen noch wellen in dham weis, alz si des gesworn vnd wir auch ir brief darumb von in haben. Mit vrkund diczs briefs versigelten mit vnsern angehangenem insigil, der gebin ist zum Budwis an fritag nach Allerheiligen tag, nach Kristi gepurd virczehnhundirt jar darnach in dem vierden jare.

O. d. St. L. No. 212. An Pergamentstreifen das Wappen in rothem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866